ek nayi duniya naya sansaar meine paaya hai
jaha har rishta apna to hai par sab paraya hai
chipa kar ashq jee rahi hu mein tanha
or sabko lage k meine khushi ko ap apnaya hai
anek bandhan hain par sabki hasratein hain mujhse kai
kaun jaane waqt ne mujhpar kya zulm dhaaya hai
chup chaap hi sehna hai mujhe ab sabkuch kyu ki
maa ne hi kaha tha beti ab maayka paraya hai
paheli si lagti hai kabhi kabhi mujhe ye zindgi
jiska koi hal na mujhe samaj aaya hai
beti-behan thi kabhi ab bahu hone ha haq paaya hai
kaun jaane k meine naye rishto mei kya khoyaa kya paaya hai
1 comment:
bahut khoob bhawna ji bahut hi aacha likha hai aap ne, aur aap ko to pata hi hai dil se likhe har sabd bahut hi aache hote hai
Post a Comment