JAANE KYU

Na bure ham hain na gunehgaar wo kehtaa hai mujhe
Par Jane kyu najar khud se ham mila nahi paate

Aise to bohut se gam chup chaap hain hamne seh liye
Bas aaansuon ko ab aur pee nahi paate

Jane kyaa nasha tha unki baton mei jisme khud ko hai bhula diya
Warna koi bhi baat ho, ham bhula nahi paatei

Wo hai saath fir bhi adhurapan sa kyu hai lagta
Jane kyu dil ko uske hone ka ehsaas bata nahi paatei

Sochte hain kahin gujar na jaayei wo raat ka khwaab bankar
Bas ek isi darr se ham raaton ko ab so nahi paatei

KACCHI KALAM

Kacchi kalam se likhi hogi khuda ne meri kismat
Isliye to jisne jab chaha mita diya

Kabhi chaha to de gaye hame mohobbat k kuch pal
Aur kabhi hamei pal bhar mei hi rula diyaa

Jaane kaisa dastur hai jise mein ab tak samajh na paayi
Jisne lagaya baagh wahi mali ise ujaad gaya

Mila hai mujhko bhi ek tohfa mohobbat ka doston

Jise dii zindgi hamne wahi hamko kabra tak pahuncha gaya

KAL HI KI JAISE BAAT THI

Kal hi ki jaisi baat thi
Wo tha aur mein uske saath thi
Tha chaand ka bhi ujiyala magar
Ek tanha kaali raat bhi thi
Chaand bhi gumsum tha
Aur mein bhi chup chaap thi
Par meri har dhadkan tujhi se
Kar rahi har baat thi
Kuch to usne bhi tha kaha
Jo dil ne suni mere baat thi
Kya tha wo mera haseen sapna
Ya kal tumhi se hui mulaqat thi
Sapna tha to jaagi kyu mein?
Kitni haseen wo mulaqaat thi
Sach hai gar to waqt lauta de wo pal
Jis pal mei mein unke saath thi

MEINE DEKHA HAI EK SAPNA

Meine dekha hai ek sapna
Haath mei uske haath apna
Chaht ki kuch baatein bhi
Chori chupke mulakaatein bhi

Wo behkaa hua tha kuch
Aur mein bhi kuch sharmayi si
Jaane kyu kal so kar bhi lage
Jaise mujhe neend na aayi thi

Pyaara pyaara tha mausam
Aur mehki thi kuch hawayein bhi
Raat akeli ne bhi thi odhi
Chaandni ki chaadar bhi

Dekh mujhe kugh ghabraayi si
Usne liya baahon mei tha thaam
Kaise keh paauon mein labzo mei
Kaise guzri thi kal ki shaam

Meine dekha tha ek sapna………
……………………………………

BACHPAN K DIN

karke yaad un beeti baaton ko
aankh se aanu bas behte hain
bachpan k din wo beete saare
aaj bhi ird-gird mere rehte hain

wo pal kitna acha tha hamdam
jisme saath mera-tera suhaana tha
jaane kya kyaa baatein karte the ham
khelna to tujhse milne ka ek bahaana tha

wo haath pakad galiyon mei tera
bas saara din jo bitaana tha
waqt ka kuch pata bhi na chalta
aur ghar tera jaise mera thikana tha

aata tha jab bhi tu saamne
dharkane ho jaati jaane kyu tufaani thi
shayd samajh na paayi thi mein tab
ki mein teri hi deewani thi

jab ham jawaa hue tab se
alag tera mera ghar pariwaar hua
roka har kadam sabne mujhe
tab jaan paayi mujhe tujhse tha pyaar hua

ek roz jo tu chala gaya tha chod mujhe
fir mera jeena tha dushwaar hua
dekh mere haalaat meri bebasi
papa ne fir mera byaah kar diya

ek mitti k putle ko tha sabne
jhoote armaano se tha fir sajaaya
par mere dil mei tha kya
na tujhe bata saki na zamaana jaan paaya

aaj tak jee rahi hoon mein dekh
rishton ka sir par bojh liye
har kadam par chadhti hai meri bali
bas zinda hoon to teri ek jhalak k liye

bas teri ek jhalak k liye........................

KHUD SE EK IRADAA KAR LOON

socha khud se ek iraada kar loon
jo pura kar sakoon khud se ek wadaa kar loon
na roungi ab na koi ashk bhi bahaungi
is tarah khushi sang koi naata kar loon

bhula doon ab se wo yaadein purani
jinhe yaad kar aankhon sirf aata hai paani
likhe hue un khaton ko bhi mein jala doon
socha khud ko ek aakhiri mein saza doon

ho jaaun khamosh odh kar fir kafan
na uthuu fir kisi ki bhi aawaj se mein
hai fir bhi ek aakhiri aarzoo ek dil mein
k maiyat uthe dekh le wo fir gaur se

k keh doon unhe wo alfaaz saare
k reh gaye hain kuch saaz mere adhure
choom loon unhe fir na rahi kuch bhi mein
k haathon mein unke fir aakhiri saans loo mein

socha khud se ..........................................

KOI APNA NA LAGAA

duniya ki bheed bhaad mei

sukh-dukh k is vyapaar mei

rishton k is janjaal mein

koi apna na lagaa

aane-jaane ki hod mei

fashion k is daur mein

apna teri k shor mein

koi apna na lagaa

paison ki pyaas mein

mit.te jazbaaton ki laash mei

kuch paane ki aas mein

koi apna na lagaa

kisi chaht k ehsaas mein

bikhre hue khwaab mein

dil k is vyapaar mein

koi apna na lagaa

BARSAAT KI RAAT

kal aangan mei mere der talak barsaat hui

durr talak thi bundo ki rimjhim fir

kuch der mei hi khamosh hui

bundon ki rimjhim ne kuch aisa tarpaaya

sang mere meri tanhaai rahi

yaadon k saayei se ham bheege kuch is tarah

fir der talak ashkon ki barsaat hui

ye bundei kasak si kuch dil mei aisi jagaa gayi

jinhe bhula rahe the ham unhi beete lamhon ki yaad dila gayi

kuch gam ka daur badha is kadar

charon aur andhiyara hua

jo chiraag jalayei rakha tha hamne

usi diye tale fir andhiyaara hua

barsaat mei mor ki cuok ne kuch cheda aisa tarana

mere lab the khamosh par dil ki aasmaan se baat hui

kaha dil ne aasmaan se e-aasmaan ab aur na baras

na le tu aur mera imthaan

tere sang to hai suraj, chaand sang sitaare

par mera na koi yaahaan

par mera na koi yahaan......................

TABAYAF

har roz ek kayamat hoti hai
kisi kothe pe kahin nilaam tabayaf hoti hai

sajti hai wo har roz dulhan ki tarah
har shaam fir be-aabru sare-aam hoti hai

nahi sunta koi bhi sadaa uski
kyu wahi har roz neelam hoti hai

har roz ek kayamat hoti hai
kisi kothe pe kahin neelam tabayaf hoti hai

behte hain ashq uske par chehre pe muskaan hoti hai
hoton pe hoti hai laali par dil hi dil wo khoob roti hai

har raat mehfil sajti hai aur bikne ko wo taiyaar hoti hai
na jaane kitni hi tabayaf is tarah roz neelaam hoti hain

har roz ek kayamat hoti hai
kisi kothe pe kahin nilaam tabayaf hoti hai

khamosh nigaahein uski jab dekhti hai sabko
haya laaj tab bhi uske saath hoti hai

par bhuke hawas k shikaari najar-andaaz karte hain sab
bas chilman par sabki nigaahein hoti hain

har roz ek kayamat hoti hai
kisi kothe pe kahin nilaam tabayaf hoti hai

har dard dil mei chupa khuda par karti hai wo aitbaar
sochti hai kabhi to aayegi uski zindgi mei bhi bahaar

kyu nahi sochte hain wo shaqs jo har roz unhe nilaam karte hain
unhi tabayafon mei koi kisi ki behan to koi kisi ki maa bhi hoti hai

har roz ek kayamat hoti hai
kisi kothe pe kahin nilaam tabayaf hoti hai

hai iltzaa meri un logo se band kar do ye barbaadi ka bazaar
mat banao kisi ki majburiyon ko koi kotha koi meena baazaar

har roz ek kayamat hoti hai
kisi kothe pe kahin nilaam tabayaf hoti hai

AJMAISH KA DAUR

likhne ko ab talak bohut kuch hai likha
par yaadon ka kaarwaan aur likha nahi jaata

katti dhoop bhi hai aur judaai bhi
bas ek saawan ka mausam gujara nahi jaata

mat soch ae-dil un beeti baaton ko
waqt ka 1 bhi lamha kabhi lautkar nahi aata

aate aate palkon mei sukh hi jaate hain aansu
par dard se nikli aah koi us tak nahi pahunchata

yu to khade hai ham is aur saahil pe magar
koi lehar mujhe baha le jaaye aisa tufaan bhi to nahi aata

thak gayi hoon aaj khud se ladte ladte mein
na jaane ye aajmaish ka daur thehar kyu nahi jaata

DURR KAHIN KHWAABON KI NAGRI

Durr kahin khwaabon ki nagri
Aur paas dard ka dariya hai

Bhujte armaano ki hai kashti
Aur tanhai ka safar ye lamba hai

Kabhi girti kabhi sambhalti
Ansuon se bhara raah mei jharna hai

Geeton mei bhi chubhte hain kaante
Sang lavfzo ka mere kaafila hai

Kabhi sochu ruk jaaon mein
Par us khwaab ko bhi paana hai

Rukhti thamti chalti hai zindgi
Ek ghaav thoda purana hai

Aaj dur manzil hai lekin
Ek roj use hi paana hai

Chaahe tufaano se ham uljhe
Par har dagar manzil ki taraf badhana hai

kuch rang waqt ne dikhaya

Kuch rang waqt ne dikhaya
To kuch saajishei apno ne rachi
Kiske saamne karte dard ham zaahir
Jab duniya meri apno k hatho hi luti

Ful sa najuk ek dil tha mera
Kaanch sa tut bikhar gaya
Aaj bhi tis hoti hai tute dil mei
Jo baat mere mann ko thi chubhi

Jisse wafaa nibhane k liye hamne
Har mumkin bagaawat ki thi
Aaj sulagati hai mujhmei ye kahi
Kyu meine bewafaa se mohobbat ki thi

Usne to hamei thukra hi diya tha
Khoon k rishto se bhi duur hui
BHAWNA khush rehti thi kabhi sada
Par duniya meri ab gamheen hui

mumkin hai meri palko k kuch aansu

THIS POETRY KI RELATED TO MY REAL LOVE
****************************************************

Mumkin hai mere palko k kuch aansu
Unki aankho mei bhi aate to honge

Hota hoga unko bhi dard magar
Meri tarah dard mei wo bhi muskurate to honge

Hamei hai yakeen yadon ka silsila unhe bhi ghere rehta hoga
Na chalak aaye udasi chehre pe, is tarah wo dil ko behlaate to honge

Mumkin hai k koi rehti hai unki baahon mei ab magar
Mere baahon k saayei unhei tanhaai mei ab bhi sehlaate to honge

Ranjish kabhi kabhi kuch wafaa k kisse
Wo khwaabo mei beete pal dohraate to honge

Yakeen nahi raha tha shayad unko meri wafaa pe magar
Hamare chahat k kisse wo sabko sunaate to honge

Keh rahe the wo ek roj, bhul jaayenge hamko magar
Bhulane ki chaht mei wo hamei yaad karte to honge

Aa jaati hai lab par mere jo khushi kabhi kabhi
Yakeenan wo duaon mei ab bhi meri khushiyan maangte honge

SACH BATA TUJHKO HAI KASAM

Bichadkar fir milenge ham
Ek roz tune ye wadaa kiya tha
Sach bata tujhko hai kasam
Aakhir teraa iradaa kya tha

Mujhe na ho dard yaa
Tujhe na bewafaa kahoon kabhi
Sach bata tujhko hai kasam
Kyu tune ye jhoota wada kiya tha

Tu to na aaya magar
Dekh mein intzaar fir bhi karti rahi
Sach bata tujhko hai kasam
Kyu tune chaht ka dikhawa kiya tha

Suna jab tu ban gaya kisi aur ka
Na mujhko ye yakeen aaya ab talak
Sach bata tujhko hai kasam
Kya tune sach mei kabhi mujhe chaha na tha!!!!!!!!

ZINDGI

Kabhi aasan kabhi mushkil kabhi chuimui si lagti hai zindgi
Gamo ki aandhi aa jayei to bhujte Deepak ki tarah chatpatati hai zindgi

Aaj bhula hai wo raahein mohobbat ki par ham yaad aayenge use
Bhula kar bhi na bhula paayein kuch yaadein hoti hai aisi zindgi ki

Kal aaj tha mera aaj atit wo ban gaya hai mera
Apne atit ko na bhula paana ek majburi hai zindgi ki

"naresh" aaj dekh tera naam meine apne shayri mei hai likh diya
kabhi dekh padhkar tu bhi kuch adhuri abhi kahani hai zindgi ki

aaj tu yaad aaya hai bohut na bhula paayi hoon mein ab tak tujhe
yu hi teri yaadon se gujar karna ab zindgani hai zindgi ki

MAAYKA

larki jaat hoon jaan lo tum bhi
baabul ka angna chiriya rein basera hai
chod ise kal udd jana hai
ye chand dino ka dera hai

jahan mein pali badi hui
chod ise ek din jaana hai
maa-baap ka aangan beti k liye
bas ek pardes suhana hai

kil-kil karti kilkari se
jahan gunjta beti ka bachpan hai
kaise bhul paye beti is aangan ko
ye aangan to beti ka darpan hai

tinka-tinka jod maa-baap saaman taiyaar karein
ek din fi maa-baap beti ka kanyadaan karein
aankhon mei aansu boto pe duayein aur jholi khali liye
bhaari mann se wo beti ko ghar se wida karein

hai reet yahi sadiyo se chali hai aa rahi
maayka hai chiriya ka basera har maa beti ko yahi samjha rahi
mein bhi dheer ye dhar li hai, ab na aur ashk bahana hai
chod is maayke ki dehliz mujhko bhi duur kahi udd jana hai

CHAHAT

kuch sapne jo adhure hain abhi
kuch vaade jo pure karne hain abhi
kuch khwahishein jo mann mei hain bachi
bas unhe hi pura karna chaahti hoon mein

bahut rulaya hai maa-baapu ko apne
bahut sataya hai bhaiyon ko apne
ab unhei chand khushiyaan dena chahti hoon mein
bas sabka pyaar paana chaahti hoon mein

adhuri hoon mein adhuri meri kahani
bbas ek kalam saath reh gayi hai purani
ab kuch naye geet likhna chahti hoon mein
bas is dard se nijaat paana chaahti hoon mein

BHAWNA mat soch kyu tujhe wo na mil saka
wo nahi tha tera jo tera ho na saka
ab khatm yaadon ka silsila karungi mein
ab nayi zindgi ki shuruat karna chahti hoon mein

wada jo mohobbat mei nibhaya na gaya

ret par likha tha jo kabhi naam wo saagar mei beh gaya
khawbo mei jo banaya tha armano ka mehal
khuli jo aankh ek pal mei hi tut gaya

mana tha jise kabhi apna wo nikla harjaaee
todkar mera dil wo muskura kar chala gaya

kar na sake ham to koi bhi gila unse
wo ek umra jo hamein tadapne k liye de gaya

raha dil mei mere pyaar bachpan ka ab tak maujood
par wo dekar apni kasam sab kuch bhul jaane ko keh gaya

hui hai hamse ek khata jo unka pyaar unki yaadein dil se na bhula sake
bas ek yahi wada hai jo mohobbat mei hamse nibhaya na gaya

GAYA WAQT LAUT KAR NAHI AATA

ye pal thahar kyu nahi jaata
kyu gaya waqt laut kar nahi aata

kitne khush the ham kabhi saath unke
kyu khushi ka wo pal laut nahi aata

wo sard mausam mei nange paao se chalna
baarish ka mausam fir saath bhigo kyu nahi jaata

hai nikalti to dhoop ab bhi hai har roz
fir gam ka ye mausam dhal kyu nahi jaata

na hoti thi kabhi koi dua hothon pe
to kabhi fir aaj uske bin dil ye behal kyu nahi jaata

sochti hai BHAWNA yu to dunia chalti hi jaayegi
fir mera hi waqt kuch sambhal kyu nahi jaata

KAR DIA AAJ UNKO UNHI K HAWALE

kar dia aaj unko unke hawale
aaj har rishta tod aayi hoon mein

daag daaman pe tha jo laga mere
usi k kuche mei wo daaman chod aayi hoon mein

rahe mashroof chahe ta-umra rahe wo tanha
ye faisla khud us par chod aayi hoon mein

hasaya tha jis shaqs ne mujhe beinthaan kabhi
aaj uske aankho mei aansu chod aayi hoon mein

bana maanjhi tha wo meri zindgi ki kashti ka kabhi
ab gamo k tufaano mei use chod aayi hoon mein

shayad yahi saza bhi hai meri k rahoon mei uske bin
jise apni yaadon k hawale chod aayi hoon mein

EK WADAA

E-mere dosto kuch to saath nibha jaao tum
saj rahi hai meri maiyat k ab to aajao tum
chali hoon aaj mein hokar ruksat is jahan se tumhare
ho sake to kandha mujhko laga jaao tum

aane se pehle ek wadaa karna hoga
na royoge jam mujhe dafnaoge tum
bana kar mere lafzo ko adhuri si khushi
sada apne labo par sajaoge tum

waqt beete chahe jitna na yaad karna mujhe
ho sake to bas maaf karna mujhe
mujhpar kya beeti na unko bataoge tum
sach kehna dosto ye wada to nibhaoge tum

kati patang si meri zindgaani ho chali thi
unko kehna BHAWNA unki diwani ho chali thi
khwaab adhura lal jode mein mere sajne ka reh gaya
ab mujhe safed kafan se to sajaoge tum

sach kehna dosto ye wada to nibhaoge tum
ho sake to kandha mujhe bhi laga jaao tum...........................

KAASH AAP AUR HAM

kaash aap aur ham fir ajnabi ho jaayein
ajnabi bankar kuch aur kareeb aane ki koshish to karein

kaash najar se najar fir pehli baar takra jaayei
haya aur laaj k parde se ham fir baat karein

na hone deinge fir zamane ko apni mohobbat ki khabar
is tarah ajnabiyo ki tarah ham mulaakaat karein

khileinge fir ful gulshan mei bahar aayegi fir yahan
chube jo kaante paanv mei aao un kaanto ko saaf karein

bankar ajnabi is tarah se fir apna tujhe bana le is baar
k hokar majbur khuda bhi na hamei kabhi fir judaa karei

aa jao chalein fir unhi gumnaam galiyon mei ham-tum
jahan ranjish, na dushmani ka koi karwaa fir nikle

HAADSON KA JAHAAN

haadson ka jahaan

kahi par bhukmari to kahi pe parti.yaan
yahi hai dosto haadson ka jahaan
kahin andher sunsaan si hain sadke
to kahi pe roshni se chamchamati si manzilein

kahin saj rahi hai dharti dulhan ki tarah
to kahin rang khoon ka hai ispe sajaa
yahi hai dosto haadson ka jahaan

kahin boond paani ko tarasta hai bachaa
to kahin paani ne hi sabkuch tabaah hai kiya
kahin jashn-o-diwali manate hain log
to kahin shok mein dube hain ghar
yahi hai dosto haadson ka jahaan

kahin girte ko aur girate hain log
to kahin sambhalna khud pad raha hain yaha
kisi k ghar khajaane se hain bhare
to kahin koi 2 paise ko taras raha hai yahaan
yahi hai dosto haadson ka jahaan

nojavaan giraft hain aaj sharaab k janjaal mei
paise aur andher nagri k moh-maal mei
bech apne sanskaaron ko khush hain ho rahe
ve nahi jaante aaj wo kya hain kho rahe

dheere dheere khatm hai bhaichara ho raha
har koi yahaan aham hai kar raha
kar lo band aaj bhi is vyapaar ko
nahi to kho doge ek din apne aapko

sach hai yahi jaan lo ab ye tum
dharti maa hi hai sab kuch bachaa lo iski aan ko
karo kuch aise karam k lute na ye fir kabhi
iski aanchal mei na pade fir khoon k daag kabhi

har taraf haryaali aur shaanti chain ho
na koi fir keh sake koi bhi yaha

k yahi hai haadson ka jahaan

MAA

Maa tujh bin kuch acha nahi lagta
Tere baton k siwa kuch bhi sacha nahi lagta
Bhai bhi rehta udaas hai
Maa tu bata kyu tu hamse itni naaraj hai

Papa bhi gumsum se rehte hain
Sab ghar mei khoye khoye se rehte hain
Bas ek tujhse milne ki aas hai
Maa tu bata kyu tu hamse itni naaraj hai

Tu gar rahi hamse khafa
To ham bhi zindgi se kar lenge zafaa
Kya tujhko nahi aata hampar taras hai
Maa tu bata kyu tu hamse itni naaraj hai

Jab tak na sun le ham teri aawaj
Na jaane kyu kuch bhi nahi aata hai raas
Chutki bhi tujhi se karti pyaar hai
Maa tu bata kyu tu hamse itni naaraj hai

Tu gayi hai jabse chod kar hamei yaha
Waqt le raha hai sekdon imthaan
Ab aur dard hota na bardaash hai
Maa tu bata kyu tu hamse itni naaraj hai

Laut aa maa tu ham na phir tujhe satayenge
Jo tu kahegi use haskar maan jaayenge
Tu aaja ek baar bas yahi fariyaad hai
Maa tu bata kyu tu hamse itni naaraj hai