~*~khamosh khadi hu mein~*~

Uthte hue har sawaal par khamosh khadi hu mein
Liye zehan mei sab sawaal khud se ulajh rahi hu mein

Kya khoya or kya paaya meine yahi soch rahi hu mein
Har rishte ko ek taraazu mei tol rahi hu mein

Umeedo par bhi ab haq nahi khud sapne tod rahi hu mein
Mar chuki hu kabki fir bhi jii rahi hoon mein

Koi kehta hai ki ab meine sharafat kyu chod dii
Zindgi hai berang yahi sach sabse ab bol rahi hu mein

adhure hai alfaaz saare bas itna hi hai batana
apni kalam ko khud ab tod rahi hu mein

naye rishte......................

ek nayi duniya naya sansaar meine paaya hai
jaha har rishta apna to hai par sab paraya hai

chipa kar ashq jee rahi hu mein tanha
or sabko lage k meine khushi ko ap apnaya hai

anek bandhan hain par sabki hasratein hain mujhse kai
kaun jaane waqt ne mujhpar kya zulm dhaaya hai

chup chaap hi sehna hai mujhe ab sabkuch kyu ki
maa ne hi kaha tha beti ab maayka paraya hai

paheli si lagti hai kabhi kabhi mujhe ye zindgi
jiska koi hal na mujhe samaj aaya hai

beti-behan thi kabhi ab bahu hone ha haq paaya hai
kaun jaane k meine naye rishto mei kya khoyaa kya paaya hai

aaj bebas sa unhe paaya meine

mujhko bhula denge jo dawaa kiya karte the

aaj unhe bebas saa paaya meine

kehte the jo naam hamara na lenge kabhi

unki aawaj mei dard ko gunjta paaya meine

gurur tha jinko ki hai saath unke ye saari duniya

khud k hi khayalon mei unhe tanhaa paaya meine

najro mei jinke shohrat k siwa kuch na tha kabhi

khudki nigaahon mei khud ko sharminda paaya meine

bhale wo kehte rahe ki unko hamse kabhi mohobat na thi

par meri yaadon se lipat kar unhe aaj rota paaya meine

mumkin na ho

Ab is or laut aana shyd mumkin na ho
Chupa kar ashk muskurana shyd mumkin na ho

Mile ham tum fir juda bhi ho gayei
Par umra bhar bhula pana tumhe shyd mumkin na ho

Mera haaal na pucho to acha hai e-logo
Ab kisse wo purane bata paana shyd mumkin na ho

Badal rhi hain ab raahein manzil mile b na mile
Mehakte pyaar k gulistaa mei ab aana shyd mumkin na ho

Hai bohut kuch kehne ko magar alfaaz sab khatam
Khat jo rakhei hai sambhale unhe bhi padh pana shyd mumkin na ho

Hai safar aakhiri isliye kar rahi hu sabko salaam
Milte rahege sab magar hamara milpaana shyd mumkin na ho

mere dard ki koi dawaa do yaaron

mere dard koi dawaa do yaaron
mit na jaau kahi koi duaa do yaaro

aaj luut raha hai wajood talak mera
ho sakei aakar mujhe bachaa lo yaaro

ban rahei hai mere apne khud mere vyapari
ho sake koi boli tum hi lagaa do yaaro

ho rahi hai taiyari mujhe doli mei bithane ki
mujhe mera ab koi arth to bataa do yaaro

apne hi ghar mei mere apne bane hain dushman
jal rahi hu mein bas khaak hone se bachaa lo yaaro

zindgi ko mei ab tak samajh na paayi hu
ho sake to ab meri maut ka hi bojh tum uthaa lo yaaro

aadhi aadhi si hai meri khusi

aadhi aadhi si hai meri khushi
aadhe aadhe se reh gaye sapne mere
zindgi k is sukh dukh k bhavar mei
bichad gaye sab apne mere

yaadein yaadein hi bas hain reh gayi
armaan sab ab kho gaye
milke bichadna tha shayd ab hamei
ye aansu ab mujhse keh gaye

meine socha bhi na tha ki hoga aisa
tumse milne ko tadpenge ham is tarah
khushkismat hain ham ye tha mera waham
jal gaye khwabo k ab jahaan

socha tha kabhi milke ham
kar lenge sab durr shikwe gila
par aas bhi na rahi jhuti koi
khud mit gaye hain sab alfaaz

umeedon par bhi nahi koi yakeen
kaise karu ab koi dua
jo likha tha kismat mei mere
kaise koi badle ab use yahaan

aadhi aadhi si hai meri khushi
aadhe aadhe se reh gaye sapne mere.......................

zindgi ka arth

Zindgi ka arth samajh aaya hi nahi

jise chaaha use paaya hi nahi

mila jo use kabhi apna na sake

dil-e-jazbaat kisi ko apna bataya hi nahi

armaan jitne sab adhure hi rahe

un shabdo ka arth koi samajh paaya hi nahi

khamoshiyo ko meri bhala kaun samajhta

jo baaton ko meri samajh paaya hi nahi

Bhawna mann me leke aneko sawaal khadi

un sawaalon ka jawaab koi de paaya hi nahi

uthtihai kalam meri or ruk jaati hai

wo afsaana-e-mohobbat pura meine likh paaya hi nahi

~*~aakhiri mulaakat hai wo keh gaye~*~

Khushi mili gam bhi mile
Rishto mei faasle har dam mile
Kaise karte ham kisi se koi gila
Banke hamdam the sab hamse mile

Har roz ki tarah Deepak mei lau thi jail
Tez tufaan magar hamko kam na mile
Bujhti lau ko bachane ki koshish mei
Hath par zakhm khilte rahe

Mita mita sa kuch likha hua hai magar
Takdeer mei likha jo use padh na sake
Waqt ne bana diya auro ki najron mei kaatil
Khud se kabhi mil paate aise na hamei pal mile

Mumkin har baat kar lete gar hoti thodi or mohlat
Par pal hamko zindgi k ab bohut kam hain mile
Wo bhi keh gaye aakhiri mulakaat hai ab
Jab antim safar par khud ham chal the diye…..

zindgi ..............

zindgi k is mod par har sach ubhar kar aaya hai
samjha liya meine ab dil ko ki preet is jag ki jhuti hai

baap-bhai,beta ya biwi har rishta hi khota hai
dekh liya BHAWNA ne ab parakh kar har rishte ki dor kacchi hai

wafaa-prem se is jag ka koi naata nahi
waqt ne dikhla diya har cheez yahaan par bikti hai

bhai hai bhai ka dushman, maa khud beti ki vyapari hai
til-til kar bilakh rahi zindgi kaise kahu kya laachari hai

vishwaas k naam par har dil mei basaa dhoka hai
kaise samjhe BHAWNA har chehre par chadha mukhota hai

masumiyat bachon k chehre ki ab dekhne ko bhi milti nahi
jaat dharam k naam par mandir mazid mei bhi ab milti roti hai

dil dukhta hai ye sochkar ab mera doston
sona ugalne wali ye dharti ab khoon k aansu roti hai

E-Zindgi teraa shukriya

E-Zindgi nahi koi tujhse gila

tune to har-su mera saath hai diya

badnaseeb to meri takdir hai nikli

jo har koi mujhse bichdta gaya

aaj fir koi mujhse bichda hai yahaan

jisne har waqt hasaane ka waadaa tha kiya

mukar gaya wo har baat se apni

keh gaya usne to bas dikhawaa tha kiya

mein ro bhi na saki or har khushi bhi chin gayi

har khwaab mera jal khaak ho gaya

mein jalti rahi or aankhein surkh thi

kya biti hai mujhpar kisi ko pata bhi na chala

karu kyu ab mein koi uske liye dua

jo usne chaaha wo use mil gayaa

mila diya tune ek nayi haqikat se mujhko

E-Zindgi karu ab mein tera shukriya

************************************

E-Zindgi tera shukriya

************************************

kyu khudko mujhse judaa karte ho

Ae-mere hamnashee

kyu tum mere kareeb aakar

har baar mujhe duri ka ehsaas kara jaate ho

mein har baar apne ko

virha ki agni mein jalaakar kathor banati hu

kyu tum mere paas aakar

mom ki tarah mujhe pighla jaate ho

jab bhi tanhaai ko samjhne lagti hu ek saheli

kyu tum aakar ujiyaare mei

mujhe khud se milaa jaate ho

na samajh paayi na jaan paayi hu abtak

ki tum kaisa prem mujhse karte ho

dil mei rakhte ho penaah mohobbat

fir kyu dikhlaane se darte ho

har baar khud hi uljh jaati hu

apne hi anginat sawaalon mei

kyu kehkar mujhe k tum mere ho

fir kyu khudko mujhse judaa karte ho

kyu khudko mujhse judaa karte ho...........

dekhkar wo hamko munh fer liya karte hain

ye karke wo hampar ek or sitam kar dete hain

yakeen nahi hota k ye wahi shaqs hai

adhure hain ham adhuri hai daastaan

adhure hain ham adhuri hai daastan

adhure hain mere sab armaan

farz rishto k nibhate hue

kho gaye jaane mere sapne kahan

wo mil sake aisa socha b na tha

ham hai yahaan aur ab wo hai wahaa

zabt saare hain zazbaat dil mei

un zazbaaton ko alfaaz dene ki ab himmat kahaan

raat kaali hai aur kuch baaki nahi

kuch kehne ko ab tanhaai bhi milti hai kahaan

bas ek sazaa si kat rahi hai zindgi

ab kuch khone ko bacha bhi hai kahaan

dard sabke leke khushi sabko dete rahe

khud k liye kabhi jeete aisi mohlat kahaan

BHAWNA jaise ban gayi hai ab patthar

tum hi kaho ab mere paas kuch kehne ko baaki kahaan

~*~kya likhu kya chod du~*~

kya likhu kya chod du
kaisi ajab ye mushkil hai
baat badi hai zindgi hai thodi
us par dil mei kitni uljhan hai

meine socha kyu ye tuta
dil jise kehte sab mandir hain
paak zamin hai paak hain hamtum
fir kyu har insaan bana ab khuni hai

rang gulal ka fika hai ab
khooni bani ab holi hai
deep jale par mite na andhiyara
kaisi ajab ye paheli hai

pyaar hai seekha pyaar hai baata
fir bhi rishto mei durri hai
“Bhawna” na samjhi na jaan saki
kyu preet parayi hoti hai

~*~ajeeb baat hai~*~

Ajeeb baat hai k duniya
Ajeeb mijaaz hai
Koi boond paani ko hai taras raha
Kisi k haatho mei jaam hai

Har koi duhaai deta hai bas
Apne hi gum-o-saaz ki
Jabki yahaaan rangeen mehfilo mei bhi
Kuch dil veeraan hai

Kise hosh hai khabar kise yaar ki
Har kisi ka to bas chehra fareb hai
Rishto ko rond rahei hain sab paise ki aad mei
Khoon bik raha ab maati k mol hai

Bebas aur laachari k ham tum bhi shikaar hai
Shayar yu to is mehfil mei hazaar hain
Koi khud par likhe to kisi ne dusro ka gam liya udhaar
Ye duniya kuch nahi bas sukh –dukh ka ek bazaar hai

mujhse koi sawaal na pucho

mujhse mera haal na pucho
kaed hai sab kuch koi zajbaat na pucho

ek masihaa jisne diye mujhe itne gam
kyu usne kiya aisa koi mujhse ye sawaal na pucho

hai khuda wo ab bhi mere liye
aankho se kyu barasti hai barsaat na pucho

hoga dard unko bhi bichadjaane ka itna pata hai
meri khaamoshi mei chupe haalaat na pucho

ho sake to dena bas duayein unke liye
kyu hai khaali mere haath bas aaj mujhse koi baat na pucho

kaise zindgi ham bitayenge

Hogi takleef hamei jab ham tujhe bhula na paynge
Ye beete hue lamhe har lamha hamei tadpayenge

Aadat si ho gayi thi tere saath waqt bitane ki
Bichadkar tujhse kaise ab ham reh paaynge

Maalum hai mujhe tujhe is baat ka gam na satayega
Tujhe to kai aur chaahne waale bhi mil jaaynge

Meri soch tak mei kabza ab tera ho chala hai
To bata tujh bin ham zindgi kaise bitaynge

zindgi k safar mei

zindgi k safar mei kuch mukam aise aaye hain
jaha jaan gaye ham k kaun apne kaun paraye hain

preet aisi ki thi kabhi hamne jiski tis ab tak hai
kaise samjha pau khud ko ki wo hamei bhul aaye hain

raahein alag na thi par manzilein badal hi gayii
un raahon par kuch yaadein bas ham chod aayei hain

uthe us par koi ungli to dard hota hai mujhko ab talak
jabki daag daaman par mere bhi hai jo ab tak dhul na paye hain

~*~silsila rehne diya~*~

khamosh raaton ka ek silsila rehne diyadil
rota raha aur bas rone diya
kabhi shab par nami to kabhi aankho ki nami
par chehre par ek muskaan ka silsila rehne diya
kehte hain log ki mein kuch badal gayi hoon ab
par zehn mei meine kuch chaahton ka silsila rehne diya
har kali khil kar murjhaaygi hi jaante the ham
isliye bhawron ka aana-jaana baagon mei rehne diya
khuda bhi kya khoob karishma dikhata hai doston
rishte banakar har rishte mei judaai ka silsila rehne diya

mujhse meri pehchaan na pucho

Mujhse meri pehchaan na pucho ae logon
Khud meine apna astitva na jaan paaya hai

Kiske khone ka gam karein ham ab
Mera saath khud jab mera na saaya hai

Apno ki bheed mei kho diya meine khud ko
Aur kuch rishton ka bojh meine ab tak uthaya hai

Kab beet gaya mera bachpan kab jawani aa gujar gayi
Waqt tezi se mujhko antim safar par ab le aaya hai

Lo mein ho rahi hoon ruksat tumhare is jahaan se
Jismei meine har lamha ek naya dard paaya hai

ladki hona shayd abhishaap hai

Aaj mein jaankar kuch hairaan hoon
Shayd mein apni pehchaan se anjaan hoon

Maloom na tha ki ladki hona abhishaap hai
Ladki janm lena shayd paap hai

Sochti hu ki kyu mein itni badi hui
Jab khud k liye hi koi faisla lene ka na adhikar hai

Itne shok se meine kuch armano ko tha badhawa diya
Jaanti na thi ki sapne dekhna bhi paap hai

Har zimmedaari har farz b-khubi mein nibhati rahi
Zindgi jeene ka haq khud par se mein gawaati rahi

Sab kuch swikaar tha maa-baap ka faisla
Har faisle par mein sar apna jhukati rahi

Sabko samjha meine par koi mujhe na samjh paaya
Sabkuch hai luta diya kuch bhi to nahi jise mein paa saki

jaane kya ho gaya hai mujhe

Kehne ko bohut kuch baaki hai abhi
Sajo saaman sawarne ko pada hai abhi
Rukti hu fir dekhti hu aaine mei khud ko
Lagta hai bohut kuch dekhne ko baaqi hai abhi

Sote sote udh jaaya karti hu aaj kal
Sochti hu kya kuch bhul aai hu kahin
Fir zehan mei khayal tera aa jaata hai Jane kyu
Lagta hai jaise tujhi se mil k aayi hu abhi

Pal pal ek bechaini si hone lagi hai dil mei
Khudi se baatein karne lagti hu kabhi
Saara jahaan kehta hai ishq is rog ko
Gar hai ye rog to mere is marz ki dawa hai tu hi

WAQT AAJ KIS MOD PE LAAYA HAI

Waqt mujhe aaj us mod pe le aaya hai
Jahan gaer to kya apna saaya bhi paraya hai
Kuch ankahei shabdon ki chubhan dil mei kahin
To kabhi khamoshi ne dil mei dard badhaya hai

Kis rishte ko mein “apna” hone ka naam du
Har rishte ne mujhe baar baar thukraya hai
Kabhi majburiyon ka de waasta mujhe
To kabhi be-wafaa keh mujhe daaman apna chudaya hai

Ye maan kar der hai magar andher nahi khuda k ghar
Khud hi kaanton ko galei apne lagaya hai
Mat pucho k ab mere gamo ki hadd aur kya hogi
Milti rahei sabko roshni isliye khud apne ghar ko ab meine jalaya hai

KALAM MUJHSE KYU RUTHI HUI HAI

Na Jane kalam bhi saath kyu chod rahi hai
Kuch dino se lag raha hai ye mujhse ruthi hui hai

Likhna chaahu to kuch bhi likha jaata nahi
Jabki paas iske shabdo ki gadhri bhari hui hai

Mana ki meine isse har baar bas gam-e-daur hi hai likha
Par kaise likhu koi khushi, basti khushiyon ki to suni padi hai

Jab jab dukhi hua hai dil kalam ne bas saath diya hai
Jane kya khata hui hai hamse ab jo ye bhi ruthi hui hai

Soch rahi hu ki kya kuch naya ab isse likhu
Meri zindgi to bas gamo se hi bhari hui hai

BAADAL.....................kya tera astitva aur kyaa aakaar hai

THIS POETRY IS DEDICATE TO MY FRND BAADAL................

oas ki bundi ya paani ka bulbula
ya koi dhuyein ka bhandaar hai
jaan na paayi mein ab tak
kya tera astitva aur aakaar hai
zameen se dekhu gar mein tujhe
falak par durr najar aaye mujhe
tujhe chune ki laalsa mein dekh
chadh aayi mein kitne pahad anek
durr uchaaii par pahunchkar
tujhi mei mein bhi jaa mili
par samet paayu mein tujhe muthi mei
aisi na koi tarkeeb mujhe yaar mili
maa se pucha kya hai ye baadal
kuch bhi to jaan na paayi mein
daadi k kisso mei khoja bohut
par tera astitva pehchaan na paayi mein
tu hi bata mujhko tu baadal
tera kya rang kya aakaar likhu
baar baar sochkar mein haari
kaise mein tujhe apne paas rakhu
tu to mandrata rehta hai
tera mann bohut hi chanchal hai
jidhar karei hawa ye rukh
tu samjhe wahi tera ghar hai
pal mei dikhei pal mei simtei
pal mei tera aakar badhe
tu chahei to kar dei haryaali
ya le aayei apne sang tabahi liye
itna sab kuch tune sameta hai khud mei
kaise kaed tujhe kar paayu mein
jab jab paana chaaha tujhko baadal
tujhmei chupi chingaari se
khudko khaak bana aayi mein
khudko khaak bana aayi mein

tu hi bata mujhko tu baadal
kya tera astitva aur kya aakaar hai

kuch khwaab mei beeti raat ki baatein

Chaadar par kuch sarbatein hain abhi
Jo tere mere Milan ki gawah hai sanam
Sanjoye rakha hai use meine ek band kamrei mei
Na udd jaayei kahin us pal ki meethas
Wo pehli chuan ka ehsaas jo mere
Zehan mei ab tak hai taazaa
Kuch chuimui si dheemi se machalti si baatein
Jo yaad hai mujhko ab tak
Ek jharoke se bas jhaank leti hu mein
Us kamrei mei
Jaha beeti thi hamari suhaag ki raat
Un meethi baton mei kuch aur sapne
Bas pirona chaahti hu mere hamsafar
Teri baahon k saayei mein kuch aur
Der sona chaahti hu sanam
Dua karti hu har pal apne us khuda se
Jiske rehmo-karam se tu mujhe mil paya hai
K lauta dei wo mujhe fir se wahi lamhei
Jo waqt kuch peeche chod aaya hai
Karti hu gujarish har waqt is hawa se
K chuu aaye wo tumhe aur ehsaas mujhko kara dei
Ye bir.ha ki ghadi kahi aur na ho jaaye lambi
Kahi isi intzaar mei k ham tum fir milenge
Gujar na jaayei meri ye umra yu hi tanha
Aa jao sanam ab tumse bhi yahi hai gujarish …………………..

baat bas itni si hai mere khafa ho jaane ki

baat bas itni si hai sanam mere khafa ho jaane ki
ki haq tune mujhpar apna kabhi jataya nahi

na rutha tu mujhse kabhi ye baat sach hai magar
jaane kyu tune mujhe kabhi manaya nahi

hote ham bhi saath aaj na hoti beech ye duriyan
yakeen nahi tha mujhpar to tune mujhe kyu aajmaya nahi

meine to koshishein bohut ki thi tujhe apna banane ki magar
jaane kyu tu jaankar bhi mujhe jaan paaya nahi

baat bas itni si hai sanam mere khafa ho jaane ki
ki haq tune mujhpar apna kabhi jataya nahi
ki haq tune mujhpar apna kabhi jataya nahi.................................

baat bas itni si hai mere khafa ho jaane ki

ki haq tune mujhpar apna kabhi jataya nahi

MEIN AUR KYA KARTI

Sunne wala jab koi na tha
To lab na silti to kya karti

Saamne ek dard ka dariya tha
To apne aansu na chupati to kya karti

Raat akeli taiyaar thi khadi
To gale tanhaai na lagati to kya karti

Jab raah mei biche sirf kaante the
To paanv chalni na karti to kya karti

Khamoshi jab lagi thi chubhne
To dil mei pyaar dafn na karti to kya karti

Kaun apna bacha tha ab yahaan
To tanha na chalti to kya karti

Har rehgujar ne bas dhoke the diye
To manzil na badalti to mein kya karti

Mujhe ilzaam dene waale tu hi bata
Tujh bin jeeti na to mein kya karti

SOCHA THA KABHI

Socha tha chalo ham bhi gam kisi ko apna sunayenge
Kabhi kabhi kuch pal achey bhi sang bitaeinge

Par badal gayi ritu hai jis tarah badal gaye wo bhi
Jis tarah ham tanha thei shayd usi tarah tanha ham chale jaayenge

Jab jab rukh kiya ki koi haal-e-dil mera bhi ab sune
Faasle aur darmiyaan jaanei kyu ye hote gaye

Bas yahi soch kar labo ko see liya hain ab hamne
K dhup ho ya chaaon ham kabhi na gungunayenge

Kuch adh-mite shabd jo kitabon mei ab tak kaid hain
Wo baad merne k mere yu hi padei reh jaayenge

Ab to us khuda se bhi aas tut.ti jaa rahi hai kuch
Jaanei kab uske desh se mujhe lene aayenge

Gam hazaron hain sunane ko par aasma bhi ab sunta nahi
Jane kab aasmaan par baadal ab mandraaynge

Barson ki pyaas hai ek dil mein kahi dabi hui
Jane kis saawan ye baadal pyaas bhujaayenge